समृद्ध नेपालको सपना प्रवासी नेपालीको चाहना

मधुकर अधिकारी/वेदभक्त जोशी अमेरिकामा रहेका नेपालीहरुमा संभवत स्सवैभन्दा पुराना आप्रवासी हुनुहुन्छ । सन् १९६८ मा अमेरिका आउनु भएका जोशीले सन् १९७३ मा अमेरिका नेपाल सोसाईटी क्यालिफोर्निया शुरु गरेदेखि नै समाजसेवामा समर्पित हुनुभएको थियो । पछि कामवाट अवकाश पाएपछि विगत २४ वर्ष देखि सामाजिक काममा समय वितेको छ । स्वप्न भूमिको रुपमा चिनिने अमेरिकामा झण्डै आधा शताव्दि विताउनु भएका जोशी भावी पिढीका लागि मेहनत नै सफलताको कसी भएको सुझाव दिनुहुन्छ । मेहनत गर्दिन भन्ने र अनुशासनमा वस्न नरुचाउनेलाई अमेरिकामा सहज नहुने उहाँको ठम्याई रहेको छ ।८५ वर्षको उमेरमा पनि उहाँको उत्साह र सक्रियता देख्दा विदेशी भूमिमा नेपालीहरुको पहिचान दिन जोशी सफल हुनु भएको अनुभूति हुन्छ । गत साता सम्पन्न नेपाल अमेरिका पत्रकार संघ नेजाको अधिवेशनमा भेट हुनुभएका जोशी सँग समृद्ध नेपालको सपना प्रवासी नेपालीको चाहना स्तम्भका लागि मधुकर अधिकारीले गर्नु भएको कुराकानीको सम्पादित अंशहरु :  

तपाईले प्रवासी जीवन विताउनु भएको कति भयो ? 

म सन् १९६८ मा अमेरिका आएको हुँ । यस हिसावले ४८ वर्ष भयो । 

अमेरिकी भूमिमा आफना प्रारम्भिक दिनहरुलाई कसरी स्मरण गर्नु हुन्छ ?

अमेरिका स्वर्ग भूमि हो भनेर त्यही वेलामा पनि सुनेको थिए । त्यसैले यहाँ आउँदा मलाई पनि रोमाञ्चक वनाएको थियो,जसरी पहिलो पटक पाईला टेक्ने नेपालीलाई कौतुहलता हुन्छ । साँच्चै यहाँको पूर्वाधार, कानूनी शासन र न्यूनतम आवश्यकताको लागि यो स्वर्ण भूमि हो । तर तपाईसँग मेहनत र ईमान्दारिता हुनै पर्छ । मेरो स्मरणमा भन्नु हुन्छ भने त्यो वेलामा केही पनि मिलेन । न खानपीन न त वातावरण नै, तर मिहिनेत गर्दा विस्तारै सवै कुराहरु मिल्दै आए । त्यो समयमा नेपाली नभएपनि अमेरिकनहरुले सहयोग गरे । अहिले आएर हेर्दा एउटा जुग काटेको जस्तो अनुभूति भएको छ । 

तपाई अहिले नेपालवाट अमेरिकामा  आउने नेपालीलाई के भन्नुहुन्छ ? 

खासमा नेपालवाट आउँदा अमेरिकामा डलरको वोट छ, टिप्न जाने हो भन्ने भ्रम हटाउनुपर्छ । म कानून सम्मत तरिकाले मेहनत गर्छु र कमाई गर्छु भन्ने हो भने यो भूमिमा अथाह अवसर रहेका छन् । त्यसैले नयाँ आउनेहरुलाई मेरो सुझाव छ :" तपाईहरु  समयको व्यवस्थापन,साथीभाईसँग परामर्श गर्दे अगाडि वढेको खण्डमा अमेरिकामा व्यवस्थित जीवन यापन गर्न सक्नुहुन्छ । 

यत्रो वर्ष प्रवासमा वस्नु भयो, विदेशी भूमिमा वसेपछि नेपालको माया हुन्न भन्ने सुनिन्छ । तपाईलाई के लाग्छ ?

यस्तो कुराको पछि लाग्नु हुन्न्, मातृभूमिको माया कहिल्यै मेटिन्न,आमाको माया मेटिन्छ र ?  मेरो कुरा गर्नुहुन्छ भने, अहिले पनि शिक्षामा लगानी गरेको छु, अर्थात छात्रवृत्तिको माध्यमवाट जेहेन्दार विद्यार्थीलाई पढाई अगाडि वढाउन मद्दत गरेको छु । मलाई शिक्षा नै शक्ति हो जस्तो लाग्छ । त्यसरी भन्नेहरुले मायाको मापन गर्न जानेका छैंनन जस्ते लाग्छ। 

नेपाललाई समृद्ध वनाउन कुन विषयलाई ध्यान दिनु पर्छ जस्तो लाग्छ? 

मेरो विचारमा देशलाई समृद्ध वनाउने पूर्वाधार भनेको नै पहिलो वाटो,दोश्रो विजुली र तेश्रो पानी हो । यसलाई व्यवस्थापन गर्न सक्यो भने उद्योग कलकारखाना सृजना हुने रोजगारी वढने यावत कुरा हुन्छ । त्यसपछि मानिसको दिनचर्यामा कायपलट आउँछ । त्यसैले मेरो विचारमा यी विषयलाई जतिसक्दो चाँडो व्यवस्थापन गर्न सवै लाग्नु पर्छ । 

यत्रो वर्ष विदेश वस्नु भयो, मातृभूमिको सामु देखिएको चुनौती के हो जस्तो लाग्छ ?

हेर्नोस,खासमा वाहिर वसेर अनावश्यक टिप्पणी गर्नुहुन्न मेरो विचारमा जो मानिसले जे काम आफनो जिम्मेवारीमा आएको छ त्यसले निस्वार्थ भावले काम गरयो भने देश कहाँवाट कहाँ पुग्थ्यो । विकास वोकेर जाने मान्छे होस, समाजसेवामा जाने मान्छे होस सवैले देश वनाउन आएका हुन भन्ने भावनाले काम गरेको खण्डमा देशलाई समृद्ध वनाउन सकिन्छ ।  

तपाईलाई आगामी पन्ध्र वर्ष भित्र देश समृद्ध हुन्छ जस्तो लाग्छ ?

मलाई मेरो जीवन कालमा मातृभूमि समृद्ध भएको हेर्ने ईच्छा त छ । तर त्यो पूरा हुने संभावना देखेको छैंन् । 

किन ?

किनकि म संविधान जारी हुने समयमा नेपालमा नै थिए । संविधान आयो,त्यसपछि देशले विकासको गति लिन्छ होला भनेको त्यसको लगत्तै नाकावन्दी भयो, अव त्यो नाकावन्दी भोगेको मैले जुन विषयहरु देखे त्यसपछि मलाई निकै अप्ठयारो महसुस भएको छ । यसलाई चिर्दै अगाडि वढन धेरै सुझवुझको आवश्यकता छ । त्यसैले तपाईले भन्नु भए जस्तो पन्ध्र वर्षमा समृद्ध नेपाल हुने संभावना म देख्दिन् । 

अन्त्यमा,तपाईले नेपालमा गर्नु भएको या गर्ने सोचमा रहनुभएको कुनै योजना छ की ? 

हेर्नोस,हामीहरुले नेपालमा छात्रवृत्ति मार्फत विद्यार्थीहरुको शिक्षामा योगदान दिएका छौं । हामीहरुले क्यलाफिोर्नियामा रहेको अमेरिका नेपाल सोसाईटी मार्फत वेस्टी एण्ड मेरिल गुडल छात्रवृत्ति कोषवाट ३६ जनाले छात्रवृत्ति प्राप्त गरिसकेका थिए छन् । यसैगरी वेद एण्ड केन्या क्याना जोशी छात्रवृत्ति कोषवाट ५२ जनालाई दिईसकेका छौं । यसमा मेरा छोराछोरीले एक लाखडलर चन्दा दिएका हुन् । यसमा अहिले करिव एक लाख ६० हजार डलर रहेको छ । तर यसमा भएको रकम केवल व्याजमा मात्र चलाउन पाईने भएकाले अहिले यसवाट व्याजको आम्दानीले एक जनालाई पनि छात्रवृत्ति दिन सक्ने अवस्था छैंन् , त्यसैले हामीहरुले वेद तथा क्याना फाउण्डेशनले अलग्गै छात्रवृत्ति दिदै आएको छ । हाल यसरी छात्र वृत्ति पाउनेहरुमा १५ जनाले दश जोड दुईको छात्रवृत्तिमा अध्ययन गरिरहेका छन भने तीन जनाले स्नातक तहको अध्ययन गरेका छन् । यसलाई निरन्तरता दिईरहेको छु ।  अमेरिका नेपाल सोसाईटीमा राखेको अक्षयकोष र त्यसको व्याजले छात्रवृत्ति सञ्चालन गर्न अप्ठयारो परेकोले मैले कम्तिमा दश प्रतिशत रकम खर्च गर्न पाउन अनुरोध गरेको छु । त्यो भएको खण्डमा मलाई सहज हुने थियो ।

 अर्को नेपालमा यस्तो कोष सञ्चालन गर्नका लागि संस्था दर्ता गर्नुपर्ने व्यवस्था रहेछ । मलाई सिधै खाता खोलेर सञ्चालन गर्न पाए हुन्थ्यो भन्ने लागेको हो । अरु त मेरो केही छैंन्, नेपाली समुदायमा सधै सक्रिय भएर आफूले सक्ने सहयोग गर्न पाए हुन्थ्यो भनेर लागिरहेको छु ।


Share this with your friends:


थप खबर...

NRN MD New Team

NRN Maryland New Team ...

Teej In Baltimore

Baltimore Teej ...

Golden Globes 2018

Red Carpet Show Golden Globes 2018 ...

NJSS Picnic in Baltimore

NJSS Maryland Chapter Picnic ...

देउवाले अर्को रेकर्ड कायम गरे

काठमाण्डौं, भदौ १२ यस पटकको भारत भ्रमणमा प्रधानमन्त्री शेरवहादुर देउवाले के के गरे ? भन्ने विषयमा अहिले चासो र...

कांग्रेस केन्द्रीय समितिमा जनसम्पर्क समितिको प्रतिनिधित्व गराउँछु

न्यूयोर्क,अमेरिका,सेप्टेम्वर २४ । प्रधानमन्त्री एवं नेपाली कांग्रेसका सभापति शेरबहादुर देउवाले नेपाली...

Bimalendra Nidhi In USA

Bimalendra Nidhi In USA  ...

रक्तदान, जीवनदान

नेपाली जनसम्पर्क समिति,अमेरिकाको लंगआईल्याण्ड च्याप्टरले महामानव वीपी कोईरालाको १०४ औं जन्म जयन्ती वृहत...

Harry Bhandari Won an Election

Harry Won Election Photo Courtesy: Prabin Bhandari ...

Felicitation of Anand Bist In Baltimore

कांग्रेसका आमन्त्रित केन्द्रीय सदस्य आनन्द विष्टलाई बाल्टिमोरमा सम्मान  ...

Space for Advertisement
Contact info@globenepal.com
Space for Advertisement
Contact info@globenepal.com

Subscribe our Newsletter