सम्भवतः अब काठमाडौंमा लोडसेडिङ हुँदैन
कुलमान घिसिङ, प्रबन्ध निर्देशक नेपाल विद्युत प्राधिकरण

एकाएक लोडसेडिङ अन्त्यको खबर बाहिरीयो, यो कसरी सम्भव भयो ? 
– मूलतः हामीले माग र आपूर्तिलाई व्यवस्थापन गर्यौं । तिहारमा सबैभन्दा बढी विद्युतको माग हुन्छ । त्यो माग कसरी पूरा गर्ने भन्ने विषयमा हामीले ध्यान दिएका हौं । 
७१ सालमा विद्युत प्राधिकरणले तिहारमा धेरै बत्ति नबाल्न जनतालाई सूचित गथ्र्यो । अहिले त्यसो गर्नु परेन । थप विजुली ल्याउनु भयो वा अरु केही थियो उपाय ? 
– हामीले सूचना जारी गरेनौं । जारी गरे पनि नगरे पनि मानिसले बत्ति बालिहाल्थे । हामीसँग भएको बिजुली व्यवस्थापन सबै पावर प्लान्टहरुलाई अधिक क्षमतामा चलायौं । तिहारको पिकमा करिब ३ घण्टा डिजेल र कुलेखानी पनि चलायौं । कुलेखानी र डिजेल प्लान्ट ३ घण्टापछि चलाउन परेन । अरु अन्य पावर प्लान्ट सर्ट डाउन भएनन । आयातलाई पनि पिकको बेलामा आयात गर्यौं । आयात र स्विचिङ मिलायौ । नो लाइट सेन्टरलाई पनि तयारी अवस्थामा राख्यौं । त्यही भएर पनि लोडसेडिङ भएन । त्यो दिन ९६६ मेगावट प्रवाह गर्यौं । यो विषय देशभरकै कुरा हो । 
तपाईले जे गर्नुभयो, त्यो काम २ वा ३ वर्ष अगाडि गरेको भए पनि यस्तै सुखद नतिजा आउने थियो ? 
– आपूर्तिको अवस्था पोहोर पनि  त्यही थियो । असार साउनमा पनि धेरै थियो । स्थिति त्यही हो । अहिलेको अवस्था त जटिल हो । यस अघि कम जटिल हो । हामीले आपूर्ति र वितरणको व्यवस्था मिलाउने कुरा हो । भौतिक पूर्वाधारको विषय पनि राम्रो बनाउनु पर्छ । अपरेसन पनि महत्वपूर्ण हो । ठाउँ ठाउँमा अपरेसन गर्ने तरिका फरक हुन्छ । राम्रो अपरेसन गर्न सकिएन भने बिजुली भएर पनि लोडसेडिङ हुन्छ । अपरेसन, आपूर्ति, पूर्वाधार  र माग व्यवस्थापन गर्नु पर्छ । 
यी चारवटा बिषय बेलैमा गरेको भए १८ घण्टाको  लोड सेडिङ भोग्नु पर्ने थिएन त ? 
– त्यस्तो चाहिँ नहोला । किनभने १८ को सट्ट १० मै हुन्थ्यो होला । पूरै फरक चाहिँ पर्दैन । माग र आपूर्तिको तालमेल नमिलेपछि हुँदैन । हामीलाई अधिकतम २४ सय मेगावाट बिजुली चाहिन्छ । त्यसपछि क्रमश घटदै जान्छ । राति त ६ वा ७ सय मात्रै हुन्छ । २२ घण्टा जति ७–८ सय मेगावाटले पुग्छ । २२ घण्टालाई व्यवस्थापन गर्दा २ घण्टा मेनेज भइहाल्छ । काठमाडौमा लोडसेडिङ नगर्ने भनेको अन्त २ घण्टा काटेर काठमाडौलाई दिने भेनेका हो । व्यवस्थापन भनेको त्यही हो । 
काठमाडौंमा नगरेर गाउँमा गर्ने ? सहरमा पोसेर गाउँको बिजुली खोस्ने ? 
– अहिले तिहारमा प्रायः ठाउँमा भएन । छठमा कतै पनि तराईमा भएन । लोडसेडिङ भनेको नियमित कुरा हो । सहरलाई पोसेर गाउँ काट्ने भन्ने कुरा होइन । अहिले एउटा काठमाडौ केन्द्र हो । यो ठाउँबाट लोडसेडिङ अन्त्य भएको राम्रो सन्देश पठाउन गरिएको हो । विस्तारै सबै तिर हुन्छ । देशभर नै एकैपटक लोडसेडिङ अन्त्य हुँदैन । 
अहिले मान्छेले गाउँको बिजुली काठमाडौंलाई दिइयो भनिरहेका छन् नी ? 
– अहिले केही जिल्लामा जहाँ जहाँ पावर हाउस छन ती जिल्लामा लोडसेडिङ नै छैनन् । अहिले मात्रै होइन पहिले देखि नै । काठमाडौमा भारतको ग्रिडसँग जोडिएको छैन । भारतबाट ल्याएको तराई तिरै सकिन्छ । काठमाडौमा खिम्ती, लामोसाँघु, त्रिुशली आदिबाट काठमाडौमा आउने हो । यताको उत्पादन तराईमा जाँदैन । यसकारण काठमाडौमा व्यवस्थापन भनेको कुलेखानीको उत्पादन पनि हो । 
भनेपछि बाहिरबाट ल्याएर काठमाण्डौ उज्यालो बनाएको हैन ? 
– बिल्कुलै होइन । बाहिर तिर पनि क्रमश लोडसेडिङ अन्त्य हुन्छ वा कम हुन्छ । अर्को कुरा म के भन्छु भने म अब लोडसेडङको तालिका अब सार्वजनिक हुँदैन । काठमाडौलाई चाहिँ अब लोडसेडिङ मुक्त नै बनाउँछु । अहिले पनि चुनौती नै छ । अहिले पनि मैले काठमाडौमा लोडसेडिङ अन्त्यको घोषणा गरेको छैन । अहिले हामी ट्रायलमै छौं । अबको तीन चार महिनामा आपूर्ति कम हुन्छ । माग उस्तै रहन्छ । यसकारण आउँदा ३ –४ महिना चुनौतीपूर्ण नै छ । 
यो तीन महिना भनेको जाडोको महिना ? जति बेला मानिसहरुले बिजुली बढी खपत गर्छन हैन ? 
–खपत त उस्तै हुन्छ । उत्पादन चाहिँ कम हुन्छ । आयात एक तिहाईले कम हुन्छ । त्यो भएकोले त्यो बेला पनि लोडसेडिङ नगर्ने तयारी छ । मलाई लाग्छ हामी सफल हुन्छौं । 
लोडसेडिङ निकाल्ने सूचना चाहिँ आउन लागेको कुरा गर्छन नी मानिसहरु ? 
–सूचना निकाल्ने कुरा छैन  । 
यो विषय मजाक त होइन नी ? 
– होइन । यो कुरा लेखेर राख्नुहोस् । जेठ पछि त हुँदै हुँदन । त्यसयता पनि नगर्ने हाम्रो योजना हो । 
भनेपछि तपाईहरु कलकारखानाको बिजुली काटेर लोडसेडिङ नगर्ने तयारीमा हुनुहुन्छ ? 
– २४ सै घण्टा कलकारखाना चल्दैनन् । हामीले उनीहरुलाई पिक आवरमा कलकारखाना नचलाउ भनेका छौं । १४ घण्टाको सट्टा उनीहरु आफैले ३ घण्टा चलाएनन भने त बाँकी सयमा उनीहरुलाई बिजुली पुगिहाल्छ नी । 

 


Share this with your friends:


थप खबर...

देउवाले अर्को रेकर्ड कायम गरे

काठमाण्डौं, भदौ १२ यस पटकको भारत भ्रमणमा प्रधानमन्त्री शेरवहादुर देउवाले के के गरे ? भन्ने विषयमा अहिले चासो र...

नेपाली विद्यार्थीलाई अमेरिकी विश्वविद्यालयमा क्रेडिट आवरको सुविधा

वासिङ्गटन डिसी, सेप्टेम्वर १२ /अमेरिकाको युनिभर्सिटी अफ सेन्ट्रल मिजौरी र नेपालको त्रिभुवन विश्वविद्यालय वीच...

कांग्रेस केन्द्रीय समितिमा जनसम्पर्क समितिको प्रतिनिधित्व गराउँछु

न्यूयोर्क,अमेरिका,सेप्टेम्वर २४ । प्रधानमन्त्री एवं नेपाली कांग्रेसका सभापति शेरबहादुर देउवाले नेपाली...

हयारीको समर्थनमा विशेष कार्यक्रम

वाल्टिमोर ,सेप्टेम्वर ११ मेरिल्याण्ड राज्यको प्रतिनिधी सभाकोे आगामी निर्वाचनमा डेमोक्रयाट पार्टीको तर्फवाट...

Teej In Baltimore

Baltimore Teej ...

यस्ताे बनाउँदैछ चीनले नेपालकै पहिलाे अण्डर पास सहितकाे कलंकी चाेक !(फाेटाे फिचर)

काठमाण्डाैं,भदाै २६ गते । यदि समयमा काम भयाे भने अबकाे एक बर्षपछि अर्थात सन २०१८काे डिसेम्वर सम्ममा कलंकी चाेक...

रक्तदान, जीवनदान

नेपाली जनसम्पर्क समिति,अमेरिकाको लंगआईल्याण्ड च्याप्टरले महामानव वीपी कोईरालाको १०४ औं जन्म जयन्ती वृहत...

किन गएनन् राजदूत प्रधानमन्त्रीको स्वागतमा ?

न्यूयोर्क,सेप्टेम्वर २० । प्रधानमन्त्री शेरवहादुर देउवा न्यूयोर्कको स्थानीय समय अनुसार विहान ९ वजेर ३० मिनेट...

Space for Advertisement
Contact info@globenepal.com
Space for Advertisement
Contact info@globenepal.com

Subscribe our Newsletter