हाम्रो भावना

Globe Nepal
Globe Nepal 2018-01-30

बन्धु पोख्रेल 

हामी बीच दक्षिण विरोधी मनोविज्ञान छ जारी,
छिमेकीको बिरोध गर्ने कहलिन्छ नि क्रान्तिकारी ।

 बिरोध गर्नेहरु पनि रहेछन् यहाँ अनेक थरिका,
भत्ता खुवाएर भित्री सूचना लिने उनकै तरिका ।

बिरोधी बन्छन् कोही खोजी होस् उताबाट भन्दै,
डुब्दै आफ्नै कल्पनामा मनमनै पाइने भत्ता गन्दै ।

बिरोधीको नियाल्यो भने दैनिक ती कृयाकलाप,
चल्छ लैनचौर दरबारमा तिनको अलाप बिलाप ।

आए एक टुक्के ती छिमेकी बिरुद्ध हल्ला चलाए,
सोचे जनताले यिनले ठूल्दाईलाई साँच्चै गलाए ।

त्यसैको बलमा ती आफूलाई चाहिने फल फलाए,
मै हुँ भन्नेलाई नि सासै फेर्न गाह्रो हुने गरी ढलाए ।

जिज्ञासा छ अति आज्ञाकारी आज बिरोधी किन,
कतै तिर्दैछन् कि छिमेकी विपक्षी पार्टीको ऋण ।

जनचासो छ यी फेरि आज्ञा पालक नदेखिउन्
तर छिमेकीसंगका सम्बन्ध पनि फेरि नबिग्रीउन् ।

न चाकडी न बिरोध सम्बन्ध होस् समान स्तरमा,
बिबाद केही भए मिलाऔं न हो आफ्नै घरमा ।

सत्ता पाउन वा टिकाउन धाउन छाडौं छिमेक तिर,
बनाउन चाहन्छौं यदि भने नेपालीको ठाडो शीर ।


Space for Advertisement
Contact info@globenepal.com
Space for Advertisement
Contact info@globenepal.com
प्रतिक्रिया दिनुहोस्
भर्खरै सबै


© 2021 All rights Reserved to globenepal.com
Powered By: MeroDomain.Com