काठमाडौं । अर्थमन्त्री जनार्दन शर्माले नेपालीको औसत आयु नै थोरै भएकाले सामाजिक सुरक्षा भत्ता दिने उमेर फेरबदल (घटाएको) गरिएको प्रष्ट्याएका छन् ।

यसअघि ७० वर्षमा वृद्धभत्ता दिइँदै आएकोमा नयाँ बजेटमा मापदण्ड घटाएर ६८ वर्ष पुर्‍याइएकोमा आर्थिक भार थपिने टिप्पणी भइरहेका बेला अर्थमन्त्री शर्माले १५औं आवधिक योजनाले निकालेको निर्षकर्ष अनुसार ६९.७ वर्ष आयु रहेको बताए । उनले भने, ‘गरिब र निमुखा जनतालाई वृद्धभत्तामा जोड्नको लागि वृद्धभत्ताको समय घटाएर ६८ वर्षमा झारिएको हो ।’