धादिङ । चिकित्साशास्त्र अध्ययन संस्थान महाराजगन्ज मेडिकल क्याम्पसका एमबीबीएस प्रथम वर्ष अध्यनरत विद्यार्थीहरुले आरुघाट-८, आरुपाेखरीस्थित दरबार माध्यमिक विद्यालयमा ‘विद्यालय स्वास्थ्य कार्यक्रम’ सम्पन्न गरेका छन्।

सुजन घिमिरेको नेतृत्वमा अभिषेक शाह, सयम अधिकारी, लीला बोहोरा, मोहन बिक्रम गुरुङ, प्रिन्स बर्नवाल, अमृत ज्ञवाली, स्नेहा दवाडी, सिद्धान्त चौधरी, मनोज तामाङको टिम सहित ‘विद्यालय स्वास्थ्य कार्यक्रम’ सम्पन्न गरेका हुन्। उक्त विद्यालय केहीदिन अघिसम्म कोभिड संक्रमणका कारणले बन्द थियो ।

विद्यालय स्वास्थ्य कार्यक्रम अन्तर्गत Morning Assembly मा शिशु कक्षादेखि १२ कक्षासम्मका विद्यार्थीहरुलाई WHO को Guidelines अनुसार साबुन पानीले हात धुने तरिकाहरू सिकाएका छन् । यसका साथसाथै कक्षा ६ देखि १२ कक्षा सम्मका विद्यार्थीहरुलाई ‘Mobile Addiction And It’s Health Impact’ र ‘Menstrual Hygiene’ शीर्षकमा जनचेतनामुलक सेसन समेत लिएका थिए ।