काठमाडौं । नेकपा एमालेले काभ्रेपलाञ्चोकमा प्रदेश र प्रतिनिधि सभातर्फ उम्मेदवार टुंगो लगाएको छ ।

एमाले स्रोतकाअनुसार काभ्रे प्रतिनिधि सभा १ तर्फ रेशम लामाले टिकट पाएका छन् । पूर्व राज्यमन्त्री समेत रहेका लामा राप्रपाबाट एमाले प्रवेश गरेका हुन् । उनी अहिले एमालेको केन्द्रीय सदस्य हुन् ।

यस्तै प्रदेशसभा तर्फ १ ‘क’ मा दिल बहादुर लामा (दिलीप) र ‘ख’ मा चन्द्र लामाले टिकट पाएका छन् । लामा बागमती प्रदेशका पूर्व भौतिक पूर्वाधार मन्त्री हुन् ।

यस्तै काभ्रे २ मा प्रतिनिधिसभातर्फ गोकुल बास्कोटाले टिकट पाउँदा प्रदेशतर्फ २ ‘क’ मा प्रदेश कमिटी सदस्य कुमार खकुरेल र २ ‘ख’ मा कुमार थापाले टिकट पाएका छन् ।