एमाले नेता घनश्याम भुसाल रुपन्देही- १ मा माओवादीबाट चुनाव लड्ने

एमाले नेता घनश्याम भुसाल रुपन्देही- १ मा माओवादीबाट चुनाव लड्ने


ग्लोब नेपाल
2.1k
Shares

काठमाडौं । एमालेका १० भाइ मध्येका एक सदस्य घनश्याम भुसाललाई केपी ओलीले टिकट नदिएपछि माओवादी केन्द्रबाट चुनाव लड्ने तयारी गरेको बुझिएको छ । भुसाललाई रुपन्देही –१ बाट चुनाव लडाउनकैलागि माओवादीले टिकट होल्ड गरेर राखेको स्रोतले बताएको छ ।

यसअघि रुपन्देही– ३ बाट चुनाव लड्दै आएका भुसाललाई यसपटक एमालेले टिकट खोसेपछि उनी माओवादीबाट गठबन्धनको सहयोगमा चुनाव लड्ने तयारीमा रहेको उनी निकट स्रोतले ग्लोब नेपाललाई बताएको छ ।

‘हँसिया हथौडाबाट चुनाव लड्ने निश्चित जस्तै हो, माओवादी प्रवेश गर्नेबारेमा छलफल भइरहेको छ’ – स्रोतले भन्याे । रुपन्देही– १ बाट एमालेले छविलाल विश्वकर्मालाई उम्मेदवार बनाएको छ ।