काठमाडौं । गृहमन्त्री बालकृष्ण खाणले इसाई धर्मावलम्बीहरूको महान् चाड क्रिसमसको शुभकामना दिएका छन् ।आइतबार शुभकामना सन्देशसहित गृहमन्त्री खाणले स्वदेश तथा विदेशका इसाई धर्मावलम्बीहरूमा सुस्वास्थ्य, दीर्घायु, सुख, शान्ति, समृद्धिको कामना गरेका छन् । 
     
उनले नेपाल बहुजातीय, बहुभाषिक, बहुधार्मिक र बहुसांस्कृतिक विशेषताले भरिपूर्ण रहेको उल्लेख गर्दै विविधतायुक्त जातजाति, भाषा, धर्म, समुदाय र संस्कृतिको संरक्षण गर्न तथा तिनीहरूको प्रवर्द्धन गर्न सरकार सकारात्मक रहेको पनि बताएका छन् ।