काठमाडौं । शहीद स्मारक ए डिभिजन लिग फुटबलमा आज भएकाे खेलमा न्युराेड टिम (एनआरटी) ले सशस्त्र प्रहरीकाे एपीएफ क्लबलाई हराएकाे छ ।

आज शुक्रवार ललितपुरकाे च्यासल मैदानमा भएकाे खेलमा एनआरटीले एपीएफलाई एक–शून्य गाेलले हरायाे । एनआरटीका लागि सन्जीप श्रेष्ठले गाेल गरे ।

याे जितसँगै एनआरटी ११ खेलमा १३ अङ्कसहित तालिकाकाे दशाैँ स्थानमा उक्लिएकाे छ । एपीएफ उति नै खेलमा १४ अङ्कसहित आठाैँ स्थानमा छ ।

यस्तै आजै एन्फा कम्प्लेसमा भएकाे खेलमा नेपाल पुलिस क्लब र त्रिभुवन आर्मी क्लबले गाेलरहित बराबरी खेलेका छन् । त्रिभुवन आर्मी ११ खेलमा १६ अङ्कसहित तालिकाकाे पाँचाैँ स्थानमा छ । पुलिस उति नै खेलमा छ अङ्कसहित पुछारमा छ ।