संखुवासभा । अविरल वर्षापछि आएको बाढी पहिरोका उच्च जोखिममा परेका करिव दूई दर्जन घरपरिवरलाई राहत वितरण गरिएको छ । चैनपुर नगरपालिका–४ प्याङ्कोट हात्तिखर्कका बाढी पहिराको अति जोखिममा परेका १६ घर परिवारलाई खाद्यन्नलगायतका राहत सामाग्री वितरण गरिएको हो ।

न्यू लाइफ पेन्टिकोस्टल चर्चद्वारा हेवाखोलाको बाढीबाट विस्थापित भएका दोभानेका–४ घर परिवार र हात्तिखर्कका १६ घर परिवारलाई राहत सामाग्री वितरण गरिएको हेमन्त राईले जानकारी दिए । विस्थापित परिवारलाई चामल, दाल, नुन, तेल, साबुनलगायतका सामाग्री वितरण गरिएको थियो । पीडित परिवारलाई चैनपुर नगरपालिकाको वडा नम्बर ४ को ओरिङ्गामा राहत वितरण गरिएको राईले बताए ।