काठमाडौं । नेपालले विश्वकप छनोटमा लाओसविरुद्ध खेल्ने प्लेईङ ११ खेलाडीको सूचि सार्वजनीक गरेको छ । प्रशिक्षक भिसेन्जो अल्बर्टो एनिसले सुरुआती ११ को फरवार्ड लाईनमा जिलेस्पीजंग कार्कीलाई मौका दिएका छन् ।

नेपाली टिमका गोलकिपरको भुमिकामा नियमित कप्तान किरण चेम्जोङ रहनेछन् । अन्य खेलाडीको रोहित चन्द, अनन्त तामाङ, सनिस श्रेष्ठ, लकेन लिम्बु, एरिक विष्ट, उत्सव राई, अन्जन विष्ट, आयुश घलान र मनिष डाँगी रहेका छन् ।

नेपालले दशरथ रंगशालामा भएको पहिलो लेगको खेलमा लाओससँग १–१ गोलको बराबरी खेलेको थियो । अघिल्लो चरण प्रवेश गर्न नेपाललाई जित निकाल्नुपर्ने समिकरण बनेको छ ।

फरवार्ड अन्जन विष्ट कीर्तिमानी गोलको नजिक छन् ।

लाओसविरुद्ध पहिलो लेगको खेलमा कीर्तिमानी १३ गोलको कोशेढुङ्गा पुरा गरेका अन्जनलाई अन्तराष्ट्रिय फुटबलमा नेपालका लागि सर्वाधिक गोल गर्ने अवसर छ ।