काठमाडौं । जारी एसीसी यू-१९ एशिया कपको सेमिफाइनलको समीकरण पुरा भएको छ । बुधबार समूह चरणका खेलहरू सकिएसँगै सेमिफाइनलमा पुग्ने चार देशको टुंगो लागेको हो ।

समुह चरणका खेल बुधबार सकिएपछि समुह बी बाट बंगलादेश विजेता र आयोजक युएई उपविजेता हुदै सेमिफाइनलमा पुगेका हुन् ।

बुधबार सम्पन्न खेलमा बंगलादेशले श्रीलंकालाई ६ विकेटले पराजित गरेको थियो भने युएईले जापानलाई १०७ रनले पराजित गरेको थियो । समूह बी बाट श्रीलंका र जापान बाहिरिएका छन् ।

यसअघि समुह ‘ए’ बाट पाकिस्तान र भारत विजेता र उपविजेता हुदै सेमिफाइनलमा पुगेका थिए ।

अब सेमिफाइनलमा समुह ‘ए’ को विजेता पाकिस्तान र समूह ‘बि’ को उपविजेता युएई खेल्ने छन् भने समूह ‘बि’ को विजेता बंगलादेश र समुह ‘ए’ को उपविजेता भारत खेल्ने छन् ।

सेमिफाइनलका दुवै खेल आगामी शुक्रबार हुने छन् भने फाइनल खेल आइतबार हुने छ ।