काठमाडौं । नेकपा एमालेका अध्यक्ष केपी शर्मा ओली आइतबार राति पनि बालुवाटारमा भेटिए । पार्टी महासचिव शंकर पोखरेलका साथमा उनी प्रधानमन्त्री निवास बालुवाटारमा भेटिएका हुन् । सोमबार बिहान वर्तमान गठबन्धनका शीर्ष नेताहरुसँगको बैठकको तयारीका लागि प्रधानमन्त्री पुष्पकमल दाहालले एमाले अध्यक्ष ओलीलाई आइतबार राति नै बालुवाटारमा बोलाएका हुन् ।

प्रधानमन्त्री दाहालले आज सोमबार बिहान गठबन्धन दलको बैठक बोलाएर छलफल गरिरहेका छन् । सम्भवतः अहिलेकाे गठबन्धनसँग उनको यो अन्तिम बैठक हुने बताइएको छ ।

बैठकमा संक्रमणकालनी न्यायसम्बन्धी विधेयकबारे छलफल गर्ने भनिएको छ । तर, गठबन्धनका शीर्ष नेताहरूको बैठकमा दाहालले मन्त्रीहरूको सेट नै परिवर्तन वा गठबन्धन नै परिवर्तनको प्रस्ताव राख्ने छन् । यदि प्रधानमन्त्री दाहालले यो प्रस्ताव राखे भने कांग्रेस मन्त्रीहरुले आजै नै सामूहिक राजीनामा प्रधानमन्त्री दाहाललाई बुझाउने बताइएको छ ।