जनकपुर । जनकपुरको एक होटलमा हिजो मंगलबार महिला र पुरूष सँगै मृत भेटिएका छन् । जनकपुरको रामानन्द चोकस्थित होटल होलीडे एण्ड गेष्ट हाउसमा दुई जना मृत फेला परेको प्रहरीले जनाएको छ । प्रहरीका अनुसार मृत फेला पर्नेमा महोत्तरीको पिपरा गाउँपालिका–३ का ३१ वर्षीय हितेन्द्र पासवान र लोहारपट्टी नगरपालिका–४ की २५ वर्षीया प्रियंका कापर हुन् ।
धनुषा प्रहरी प्रवक्ता डिएसपी रञ्जन अवाले पासोमा झुण्डिएको अवस्थामा उनीहरु मृत भेटिएको बताए । अवाका अनुसार उनीहरु विगत चार दिनदेखि होटलमा सँगै बसेका थिए । उनीहरुबीच विवाहेत्तर सम्बन्ध रहेको बुझिएको छ ।
मृतक प्रियंकाले ३ वर्षीया छोरी पनि सँगै लगेकी थिइन् । आमा र उनका प्रेमीले सँगै आत्महत्या गरेपछि बालिका रोएको आवाज आएको थियो । लगातार बालिका रोएपछि होटल कर्मचारीले झ्लायबाट हेर्दा कोठाभित्र दुई जना झुण्डिएको देखेर प्रहरीमा खबर गरेका थिए । प्रहरीले घटनाबारे थप अनुसन्धान अघि बढाएको छ ।
प्रतिक्रिया