काठमाडौ । राष्ट्रपति रामचन्द्र पौडेलसँग प्रधानमन्त्री पुष्पकमल दाहाल प्रचण्डले भेटवार्ता गरेका छन् ।

राष्ट्रपति भवन शीतल निवासमा आज बिहान भएको भेटमा राष्ट्रपति पौडेलले संसदको गतिरोधबारे चासो र चिन्ता व्यक्त गरेको राष्ट्रपतिको स्वकीय सचिवालयले जनाएको छ । राष्ट्रपति पौडेलले गतिरोध अन्त्यका लागि सहमतिको अधिकतम पहल गर्न सुझाव समेत दिएका थिए ।

सो अवसरमा प्रधानमन्त्री प्रचण्डले सरकारले ल्याउन लागेको बजेटको तयारी लगायतका विषयमा राष्ट्रपतिलाई जानकारी गराउदै संसदको गतिरोध अन्त्यका लागि आफू सहमतिमा समस्या समाधानको पक्षमा रहेको बताएका थिए ।