काठमाडौँ । श्रीलंकालाई हराउँदै इरान काभा महिला भलिबल नेशन्स लिगमा तेस्रो भएको छ ।

काठमाडौँको त्रिपुरेश्वरमा रहेको राष्ट्रिय खेलकुद परिषद् (राखेप) को कभर्डहलमा आज भएको तेस्रो स्थानको प्रतिस्पर्धामा इरानले श्रीलंकालाई ३–० को सोझो सेटमा हरायो । इरानले पहिलो सेट २५–२२, दोस्रो सेट २८–२६ र तेस्रो सेट २५–१७ ले हरायो ।

काभा महिला भलिबलको उपाधिका लागि अहिले बेलुकी सवा ५ बजे नेपाल र भारत खेल्दैछन् । नेपाल इरानलाई हराउँदै र भारत श्रीलंकालाई हराउँदै फाइनलमा पुगेका हुन् ।