काठमाडौं । कीर्तिपुर नगरपालिकाको मेयरमा नेकपा (माओवादी केन्द्र)का शिवशरण महर्जनले उमेदवारी दर्ता गराएका छन् ।

कीर्तिपुर अस्पतालनजिक स्थापित निर्वाचन अधिकृतको कार्यालयमा पुगेर आइतबार उनले उमेदवारी दर्ता गराएका हुन् ।

कीर्तिपुरमा माओवादी केन्द्र र अशोक राई नेतृत्वको जसपाबीच चुनावी गठबन्धन भएको छ । कीर्तिपुरको मेयर पदमा नेकपा (माओवादी केन्द्र)का तर्फबाट उमेदवारी दिएका महर्जनलाई एकीकृत समाजवादीले पनि समर्थन गर्ने सहमति भएको छ ।