काठमाडौं । राष्ट्रिय स्वतन्त्र पार्टीका सभापति रवि लामिछानेलाई पोखराबाट काठमाडौं ल्याइएको छ ।

सहकारी ठगी प्रकरणमा पक्राउ परेका उनलाई बिहीबार साँझ बुद्ध एयरको विमानमार्फत काठमाडौं ल्याइएको हो । उनीविरुद्ध विभिन्न सहकारीमा ठगी गरेको आरोपमा काठमाडौं जिल्ला अदालतबाट पनि पक्राउ पुर्जी जारी गरिएको छ ।

गत कात्तिक २ गते पक्राउ परेका उनलाई काठमाडौंको स्वर्णलक्ष्मी सहकारीको थप अनुसन्धानका लागि ल्याइएको हो । यसअघि बुटवल पनि लगिएको थियो । काठमाडौंपछि चितवन लैजाने तयारी छ । चितवनका सहकारीमा पनि उनले ठगी गरेको आरोप छ ।