काठमाडौं । काठमाडौं महानगरपालिका-१६ की नवनिर्वाचित वडाध्यक्ष रोजिना श्रेष्ठले पद तथा गोपनीयताको शपथ लिएकी छन् ।

मंगलबार काठमाडौं महानगरका मेयर बालेन शाहले उनलाई पद तथा गोपनीयताको शपथ गराएका हुन् ।

पहिलो पटक स्थानीय तह निर्वाचनमा भाग लिएको रास्वपाले सोमबार काठमाडौं महानगरपालिका—१६ मा जितेको थियो ।

रास्वपाकी रोजिना श्रेष्ठले २ हजार ९ सय २ मत ल्याएर वडाध्यक्ष निर्वाचित भएकी थिइन् । उनका निकटतम प्रतिस्पर्धी नेकपा (एमाले) का लक्ष्मीरत्न तुलाधरले २ हजार २ सय २० मत प्राप्त गरेका थिए ।

२०७९ को निर्वाचनमा यस वडा नेपाली कांग्रेसका मुकुन्द रिजालले ४ हजार १९ मत ल्याएर वडाध्यक्ष जितेका थिए ।