क्यालिफोर्निया । आइफोन निर्माता कम्पनी एप्पलले दोबार्न मिल्ने आइफोन ल्याउन सक्ने अनुमान गरिएको छ । कम्पनीले सन् २०२६ सम्ममा यो फोन ल्याउन सक्ने भन्दै समाचारहरू आइरहेका छन् । तर कम्पनीले आफ्नो तर्फबाट यो खबरको आधिकारिक पुष्टि गरेको छैन ।

गएको केही वर्षमा दोबार्न मिल्ने स्मार्टफोन बजारमा स्थिर वृद्धि देखिएको छ । सामसङ, हुवावेई र मोटोरोला जस्ता प्रमुख कम्पनीको यसमा भूमिका रहेको छ । ग्यालेक्सी जेड सिरिजको साथमा यस श्रेणीमा सामसङको दबदबा छ ।

एप्पलले पनि दोबार्न मिल्ने फोन ल्याउने खबरले प्रयोगकर्ताहरूमाझ उत्साह पैदा भएको छ । यो फोनले प्रयोगकर्ताहरूलाई अनौठो अनुभव दिने आशा गरिएको छ । यो फोनले दोबार्न मिल्ने फोन बजारमा ठुलो प्रभाव पार्ने अनुमान गरिएको छ ।