काठमाडौं । नेपाली कांग्रेसका नेता कृष्णप्रसाद सिटौलाले जनताले सबैभन्दा बढी भरोसा गरेको पार्टी कांग्रेस नै भएको बताएका छन् । बिहिबार कांग्रेस काठमाडौं १ को भेलालाई सम्बोधन गर्दै जनताले सबैभन्दा धेरै पत्याएको पार्टी नै कांग्रेस भएको दाबी गरे ।

उनले भने,‘अहिले कांग्रेस र एमालेको सरकार छ । एमाले नेता प्रधानमन्त्री हुनुहुन्छ । हामी पनि सरकारमा छौं । हामी सबैभन्दा ठूलो पार्टी हौं, संसदमा मात्रै होइन । देशभरकै मुल्यांकनमा हो । जनताले सबैभन्दा बढी पत्याएर ठूलो पार्टी बनाएको हामीलाई नै छ । अहिले पनि जनताको विश्वास हामीमाथि नै छ ।’

उनले कांग्रेसले अहिलेसम्म गरेको कामलाई जनताको बीचमा लगेर गर्न बाँकी काम पनि गर्नसक्ने आँट राख्नुपर्ने बताए ।