काठमाडौं । भारतको नयाँ दिल्लीमा सम्पन्न प्रथम खो खो विश्वकपमा उपबिजेता बनेर नेपाल फर्किएका खेलाडीको मेडल, पासपोर्ट र झोला बाँकेको कोहलपुर बसपार्कबाट चोरी भएको छ । आज दिउँसो करिब १ बजे बसपार्कबाट मेडल र पासपोर्ट राखिएको खेलाडीको झोला चोरी भएको प्रहरीले जानकारी दिएकाे छ ।

बर्दियाका खेलाडीहरू घर जान भनेर काठमाडौंबाट हवाइ मार्ग राँझा एयरपोर्ट हुँदै कोहलपुर बसपार्क पुगेका थिए ।

गाडी नजिकै झोला राखेर खाजा खान गएका बेला सबै खेलाडीको मेडल र पासपोर्ट राखिएको झोला चोरी भएको हाे ।

सिसिटिभि हेरेर चोरको खोजी गरिरहेकाे प्रहरीले बताएकाे छ ।