एनआरएनएको १२ औं महाधिवेशन असोज २५ मा

एनआरएनएको १२ औं महाधिवेशन असोज २५ मा

पूर्वअध्यक्ष घलेले गरेको पत्राचारमा भ्रममा नपर्न आग्रह


ग्लोब नेपाल
540
Shares

काठमाडौं । गैरआवासीय नेपाली संघ (एनआरएनए) १२ औं अन्तर्राष्ट्रिय महाधिवेशन तथा विश्व सम्मेलन २०८२ साल असोज २५ देखि २८ गतेसम्म हुने भएको छ । संघको गत आइतबार सम्पन्न अन्तर्राष्ट्रिय कार्यकारी सचिवालय र पदाधिकारी बैठकले उक्त निर्णय गरेको महासचिव गौरी जोशीले जारी गरेको विज्ञप्तिमा जनाइएको छ ।

विज्ञप्तिमा भनिएको छ, संघको १२ औं अन्तर्राष्ट्रिय महाधिवेशन तथा विश्व सम्मेलन मिति २०८२–०६–२५ देखि २८ (तदनुसार सन् २०२५ अक्टोबर ११ देखि १४) मा आयोजना गर्ने निर्णय गरेको जानकारी गराइन्छ । उक्त महाधिवेशनको तयारीका लागि यस संघले तयार गरेको Membership Information System (“MIS”) प्रणालीमार्फत सदस्यताका खुल्ला गरिएको तहाँ समक्ष जानकारी गराईन्छ ।’

‘सदस्यता खुल्ला भइसकेका एनसीसीमा तीव्र गतिमा अघि बढाउन र खुल्ला नभएका एनसीसीहरुमा तत्काल सुरु गर्न पुनः अनुरोध गर्दछौं’ विज्ञप्तिमा भनिएको छ, ‘गैरआवासीय नेपाली संघको विधान २००३ (२०२२ को संशोधन सहित) अनुसार सन् २०२५ साल जुलाई महिनामा एनसीसीको राष्ट्रिय महाधिवेशन सम्पन्न गरिसक्न निर्देशन दिईन्छ ।’

संघका पूर्व अध्यक्ष शेष घले समूहले संघको महाधिवेशन आयोजना गर्ने जनाई विभिन्न पत्राचार र ईमेल एनसीसीहरुमा भई रहेको जानकारी हुन आएको हुँदा उक्त पत्राचार र ईमेल संघ सम्बन्धित नभएको र त्यस्तो पत्राचारमा संघको सरोकार नरहेको हुँदा भ्रम र अन्यौलमा नरही संघको निर्देशनानुसार मात्र कार्य गर्न निर्देशन दिएका विज्ञप्तिमा उल्लेख छ ।