काठमाडौं । संघीय संसद अन्तर्गत प्रतिनिधि सभाको बैठक आज (आइतबार) बस्दै छ । बैठक संसद भवन नयाँबानेश्वरमा आज बिहान ११ बजे शुरु हुनेछ । बैठकमा व्यवस्थापन सम्बन्धि कार्यसूची रहेको संघिय संसद सचिवालयले जानकारी दिएको छ ।

आजको बैठकमा व्यवस्थापन कार्य अन्तर्गत अर्थ मन्त्री विष्णुप्रसाद पौडेलले ’आर्थिक कार्यविधि तथा वित्तिय उत्तरदायित्व पहिलो संशोधन विधेयक, २०८१ माथी विचार गरियोस्’ भन्ने प्रस्ताव प्रस्तुत गर्ने छन् भने मन्त्री पौडेलले ’निजीकरण पहिलो संशोधन विधेयक, २०८१ माथी विचार गरियोस्’ भन्ने प्रस्ताव प्रस्तुत गर्ने तालिका रहेको छ ।

त्यस्तै, मन्त्री पौडेलले नै ’आर्थिक तथा व्यवसायिक वातावरण सुधार र लगानी अभिवृद्धि सम्बन्धी केही नेपाल ऐनलाई संशोधन गर्ने विधेयक, २०८१ माथी विचार गरियोस्’ भन्ने प्रस्ताव प्रस्तुत गर्ने तालिका रहेको संसद सचिवालयले जानकारी दिएको छ ।