काठमाडौं । माध्यामिक शिक्षा परीक्षा (एसइई) आजदेखि शुरु भएको छ । परीक्षा बिहान ८ बजेदेखि परीक्षा शुरु भएको हो । राष्ट्रिय परीक्षा बोर्ड, परीक्षा नियन्त्रण कार्यालयका अनुसार देशभरका २ हजार ७९ परीक्षा केन्द्रबाट विद्यार्थीले परिक्षा दिइरहेका छन् ।

परीक्षा तालिका अनुसार पहिलो दिन अनिवार्य अङ्ग्रेजी तथा संस्कृत वेदविद्याश्रम तर्फ अनिवार्य संस्कृत रचना र मदरसा तर्फ अनिवार्य अरेबिक भाषा विषयको परीक्षा सञ्चालन भएको छ ।

यस वर्षको माध्यमिक शिक्षा परीक्षामा ५ लाख १४ हजार ७१ जना विद्यार्थी सहभागी भएको बोर्डले जनाएको छ । यस वर्षको एस.इ.ई. आजदेखि शुरु भएर यही चैत १९ गतेसम्म सञ्चालन हुनेछ ।