काठमाडौं । काठमाडौं बानेश्वर–तीनकुने क्षेत्रमा कर्फ्यू आदेश जारी भएपछि जिल्ला प्रशासन कार्यालयले हवाई यात्रुलाई सहजीकरण गर्ने भएको छ । टिकट र परिचय पत्रका आधारमा यात्रुलाई सहजीकरण गर्न प्रशासनले सुरक्षाकर्मीलाई आदेश दिएको हो ।

प्रमुख जिल्ला अधिकारी ऋषिराम तिवारीले सूचना सार्वजनिक गर्दै हवाई यात्रुको सहजताका लागि टिकट र आधिकारिक परिचयपत्रलाई आधारमा सहभागीकरण गर्ने जानकारी गराएका हुन् ।

सूचनामा भनिएको छ, ‘हवाई यात्रुको सहजतालाई मध्यनजर गरी टिकट र आधिकारिक परिचयपत्र समेतका आधारमा हवाई यात्रा गर्नुहुने महानुभावलाई सहजीकरण गरिने र सो को समन्वय सुरक्षा निकायबाट हुने व्यहाेरा सरोकारवाला सबैमा अनुरोध छ ।’