काठमाडौं । प्रतिनिधिसभा बैठकको सुरुमै अवरोध भएको छ । आइतबारको बैठक सुरु हुनेबित्तिकै सत्ता र प्रतिपक्षकै सांसदले बोल्न पाउनुपर्ने माग गर्दै सुरुमै उठेर विरोध गरेका हुन् ।
मुलुकमा राजावादीको आन्दोलनको नाममा हिंसा मच्चाउने काम भएकाले बोल्न पाउनुपर्ने माग सत्ता र प्रतिपक्ष गणतन्त्र पक्षधर सांसदको छ । यस्तै राजावादी दल राप्रपाले आफूले पहिला बोल्न पाउनुपर्ने माग गर्दै विरोध गरेको छ ।
सभामुख देवराज घिमिरेले दुबै पक्ष उठेसँगै सहजीकरणको प्रयास गरे ।
बैठकको लाइभ प्रशारण भने भएको छैन । सभामुखको सचिवालयका अनुसार प्राविधिक समस्या देखिँदा बैठक लाइभ प्रशारण नभएको हो ।
सरकारले कुलमान घिसिङलाई नेपाल विद्युत प्राधिकरणको कार्यकारी निर्देशकबाट हटाएपछि विपक्षी दलहरूले प्रधानमन्त्रीले जबाफ दिनुपर्ने माग गरिरहेका छन् ।
सत्तापक्ष र प्रतिपक्ष दलका सांसदहरूबीच केहीबेर चर्काचर्की भएपछि बैठक १५ मिनेटका लागि स्थगित भएको छ ।
प्रतिक्रिया