काठमाडौं । राजावादी आन्दोलनको संयोजक जगमान गुरुङ बनेका छन् । शुक्रबार तीनकुने हिंसासँगै राजावादी आन्दोलनका संयोजक नवराज सुवेदी घरमै ‘नजरबन्द’ भएपछि उनले गुरुङलाई जिम्मेवारी सुम्पिएका हुन् ।

पूर्वपञ्च र राजावादीहरूले ‘राजतन्त्र पुनस्र्थानाका लागि संयुक्त जनआन्दोलन समिति’ बनाएका छन् । समितिका संयोजक सुवेदीले आज प्रेस विज्ञप्ति जारी गर्दै आफूलाई सरकारले नजरबन्दमा राखेको हुँदा आफ्नो अनुपस्थितिमा आन्दोलनको नेतृत्व गुरुङले गर्ने जनाएका हुन् ।

संस्कृतविद् गुरुङले यसअघि जनआन्दोलन तुइयो भने आफैँ सम्हाल्ने घोषणा गरेका थिए ।