मुख्यमन्त्री योगी आदित्यनाथ दुतावास आउनु भएको थिएन: देउवा

मुख्यमन्त्री योगी आदित्यनाथ दुतावास आउनु भएको थिएन: देउवा


ग्लोब नेपाल
459
Shares

काठमाडौं । नेपाली कांग्रेसका सभापति शेरबहादुर देउवाले भारतको उत्तर प्रदेशका मुख्यमन्त्री योगी आदित्यनाथबारे आफूले केही दिनअघि दिएको अभिव्यक्तिको खण्डन गरेका छन् ।

आज काठमाडौंमा आयोजित एक कार्यक्रममा देउवाले आफूले यसअघिको कार्यक्रममा गलत सूचनाका कारण उत्तरप्रदेशका मुख्यमन्त्री दिल्लीस्थित नेपाली दूतावासमा आएर आफू नेपालमा राजतन्त्रको पक्षमा नरहेको कुरा बताएको भनेको भन्दै उक्त भनाइको खण्डन गरेका हुन् ।

केही दिनअघि मात्र एक सार्वजनिक कार्यक्रममा सभापति देउवाले उत्तर प्रदेशका मुख्यमन्त्री आदित्यनाथ दिल्लीस्थित नेपाली दूतावास गएर आफू नेपालमा राजतन्त्रको पक्षमा नरहेको बताएका थिए ।

सोही भनाइप्रति सभापति देउवाले मुख्यमन्त्री आदित्यनाथ दूतावास नआएको र भारतका लागि नेपाली राजदूत शंकरप्रसाद शर्माले मुख्यमन्त्रीलाई भेट्दा सो कुरा बताएको उल्लेख गरेका छन् ।