काठमाडौं । नेपाली कांग्रेसका सांसद रामहरि खतिवडाले प्रतिनिधिसभा अन्तर्गतको राज्य व्यवस्था तथा सुशासन समितिको सभापति पदबाट दिएको राजीनामापत्र सभामुखलाई बुझाएका छन् ।

सङ्घीय निजामती सेवा विधेयकको कुलिङ पिरियडमा त्रुटि भएपछि विवादमा मुछिएका खतिवडाले बुधबार प्रतिनिधि सभाका सभामुख देवराज घिमिरेलाई राजीनामापत्र बुझाएका हुन् ।

खतिवडाले मंगलबार नै संसद् बैठकबाटै राजीनामा दिएको बताएका थिए । उनले आज मात्रै औपचारिक रूपमा सभामुख घिमिरेलाई राजीनामापत्र बुझाएका हुन् ।

‘मिति २०८२ साल साउन २७ गते बसेको संघीय संसद, प्रतिनिधिसभाको बैठकमा मैले बोल्ने क्रममा प्रतिनिधिसभा अन्तर्गतको राज्यव्यवस्था सुशासन समितिको सभापति पदबाट राजीनामा दिने घोषणा गरे बमोजिम आजैबाट लागु हुने गरी समितिको सभापति पदबाट राजीनामा गरेको बेहोरा अनुरोध गर्दछु’ खतिवडाले पत्रमा लेखेका छन् ।