सिन्धुपाल्चोक । अरनिको राजमार्गअन्तर्गत सिन्धुपाल्चोकको बलेफी गाउँपालिका ५ बाट डेलिभरी भ्यान भोटेकोसी नदीमा खसेको छ ।

बा१२च ६५९४ नम्बरको सुकुटेमा रहेको सिन्धु दूग्ध डेरीको दूग्ध संकलन गर्ने भ्यान शुक्रबार बिहान सवा ५ बजेतिर सुकुटेबाट खाडीचौर जाने क्रममा २० मिटर तल भोटेकोसीमा खसेको प्रहरीले जनाएको छ ।

भ्यान र चालक काभ्रेको पनौती नगरपालिका १० पस्थलीका २२ वर्षीय नवराज खुलाल नदीमा बेपत्ता भएको र खोजी जारी रहेको प्रहरी वरिष्ठ नायब निरीक्षक सुरेशप्रसाद गुप्ताले बताए ।