काठमाडौं । नेपाली कांग्रेसका सभापति शेरबहादुर देउवाको घरबाट बुद्धको मूर्ति चोरेको आरोपमा एक जना युवक पक्राउ परेका छन् ।

प्रहरीले पक्राउ पर्नेमा चितवनको कालिका नगरपालिका–६ टाँडी घर भएका २९ वर्षीय विजय लामा रहेको बताएको छ । काठमाडौंको पेप्सीकोलाबाट पक्राउ गरेका लामाको कोठाबाट प्रहरीले बुद्धको मूर्ति, गणेशको मूर्ति र शंख बरामद गरेको छ।

उनले जेनजी प्रदर्शनको क्रममा गत भदौ २४ मा बुढानीलकण्ठ स्थित देउवाको घरबाट सोही सामान लुटेको प्रहरीको अनुसन्धान निष्कर्ष रहेको छ । आरोपी लामालाई जिल्ला प्रहरी परिसर काठमाडौंको हिरासतमा राखेर अनुसन्धान गरिरहेको प्रहरीले बताएको हो ।