काठमाडौं। प्रहरीले सुर्खेतमा १२ वर्षीय बालिका बलात्कार गरेको आरोपमा एक होस्टेल सञ्चालकलाई पक्राउ गरेको छ ।

पक्राउ पर्नेमा पश्चिम सुर्खेतको पञ्चपुरी नगरपालिका–५ स्थित सरस्वती विद्या निकेतन इङ्लिस बोर्डिङ स्कुल बाबियाचौरमा रहेको होस्टेलका सञ्चालक ४० वर्षीय महेन्द्र अर्याल रहेको प्रहरीले जनाएको छ ।

उनले होस्टेलमै बस्दै आएकी १२ वर्षीय बालिकालाई बलात्कार गरेको आरोप रहेको जिल्ला प्रहरी कार्यालय सुर्खेतका प्रहरी नायब उपरीक्षक मोहनजंग बुढथापाले जानकारी दिए ।

आरोप लागेपछि फरार रहेका उनलाई मंगलबार बेलुका पञ्चपुरी नगरपालिका–१ बाचकाँडाबाट पक्राउ गरिएको बुढ्थापाले बताए । घटनाबारे थप अनुसन्धान भइरहेको उनले जानकारी दिए ।