काठमाडौँ । नेपाली काँग्रेसका कार्यवाहक सभापति पूर्णबहादुर खड्काले राष्ट्रिय सभा निर्वाचन एमाले र नेकपासँग मिलेर जानेबारे छलफल भइरहेको ब्रिफिङ गरेका छन् ।

सानेपामा जारी कार्यसम्पादन समितिको बैठकमा खड्काले निर्वाचनको तयारीबारे जानकारी गराएका हुन् । बैठकपछि सञ्चारकर्मीहरूसँग कुरा गर्दै नेतृ सुजाता कोइरालाले गठबन्धनमा पार्टीको तर्फबाट ८ सीट मागेको जानकारी गराएको बताइन् ।

माघ ११ गते राष्ट्रिय सभाका रिक्त १८ सीटमा चुनाव हुँदैछ । चुनावमा काँग्रेस, एमाले र नेपाली कम्युनिस्ट पार्टीबीच गठबन्धनको गृहकार्य भइरहेको छ ।