काठमाडौँ । टी-२० विश्वकप अन्तर्गत दोस्रो वार्मअप खेलमा नेपालले सहज जित निकालेको छ। क्यानडालाई नेपालले ६ विकेटले पराजित गरेको छ।

पहिले ब्याटिङ गरेको क्यानडाले नेपाललाई एक सय ६१ रनको लक्ष्य दिएको थियो। १८ ओभरमा नेपालले ४ विकेट गुमाएर नेपालले सहज रूपमा सो लक्ष्य पुरा गरेको हो।

नेपालका लागि आरिस शेखले आक्रामक अर्धसतक प्रहार गरेका थिए। २९ बलमा ५८ रन जोडेर उनी रिटार्यर्ड आउट भए । त्यस्तै, सन्दीप जोराले ४४, गुल्सन झाले अविजित ३१ रनको योगदान दिए।

पहिलो वार्मअप खेलमा नेपालले युएईलाई मंगलबार सात विकेटले पराजित गरेको थियो। विश्वकप अन्तर्गत पहिलो खेल नेपालले आगामी आइतबार इंल्याण्डविरुद्ध खेल्नेछ।