काठमाडौं । नेकपा (एमाले) का उपाध्यक्ष विष्णुप्रसाद पौडेलको बन्दीप्रत्यक्षीकरण रिट सुनुवाइका लागि पेसी तोकिएको छ।

सर्वोच्च अदालतका न्यायाधीशद्वय विनोद शर्मा र नित्यानन्द पाण्डेको संयुक्त इजलासमा पूर्वअर्थमन्त्रीसमेत रहेको पौडेलको बन्दी प्रत्यक्षीकरण मुद्दामा सुनुवाइ हुन लागेको हो ।

पौडेलकी श्रीमती दोमाया पौडेलले उनलाई गैरकानुनी रूपमा थुनामा राखिएको भन्दै गत असार १० गते अदालतमा बन्दी प्रत्यक्षीकरण मुद्दाका लागि निवेदन दिएकी थिइन् ।

जसअनुसार न्यायाधीश टेकप्रसाद ढुङ्गाना र मेघराज पोखरेलको संयुक्त इजलासले विशेष अदालतमा विचाराधीन नेपाल सरकार वादी र दीपक भट्टसमेत प्रतिवादी भएको सम्पत्ति शुद्धीकरण सम्बन्धी मुद्दाको फाइल झिकाउन भनेको थियो। सो आदेश पछि आज सुनवाई गर्न पेशी तोकिएको हो ।