काठमाडौँ । रसुवाको भोटेकोशी बाढी प्रभावितका लागि भारत सरकारले उपलब्ध गराएको १० टन मानवीय सहायता तथा अत्यावश्यक औषधि नेपाल आइपुगेको छ।

त्रिभुवन अन्तर्राष्ट्रिय विमानस्थलमा आयोजित एक कार्यक्रमकाबीच नेपालका लागि भारतीय राजदूत नवीन श्रीवास्तवले उक्त राहत सामग्री संस्कृति, पर्यटन तथा नागरिक उड्डयनमन्त्री खड्कराज पौडेल ‘गनेस’लाई हस्तान्तरण गरेका हुन्।

भारतीय विदेशमन्त्री डा. एस. जयशंकरले सामाजिक सञ्जालमार्फत नेपालका बाढी प्रभावितका लागि सहयोग स्वरूप विपद् राहत सामग्री र औषधि पठाइएको जानकारी दिएका थिए। प्राप्त राहत सामग्रीलाई तत्कालै प्रभावित क्षेत्रमा पठाउने तयारी गरिएको छ।