काठमाडौं । पाकिस्तान सुपर लिग (पीएसएल) को ड्राफ्टका लागि विभिन्न क्याटेगोरीमा नेपालका १० खेलाडीको नाम दर्ता भएको छ ।

डिसेम्बर १३ मा हुने अक्सनअघि पाकिस्तान क्रिकेट बोर्ड (पीसीबी)ले सार्वजनिक गरेको ड्राफ्टका लागि दर्ता भएको नामको सूचीमा नेपालका १० खेलाडीको नाम छ ।

नेपालका सन्दीप लामिछाने, गुल्सन झा, आसिफ सेख, आरिफ सेख, अर्जुन साउद, देव खनाल, दीपेन्द्रसिंह ऐरी, कुशल भुर्तेल, कुशल मल्ल र सोमपाल कामी छन् ।

पीएसएलका अनुसार प्रतियोगिताको नवौँ संस्करण फेब्रुअरी १३ देखि मार्च १९ सम्म पाकिस्तानका विभिन्न सहरमा आयोजना हुने छ । प्रतियोगिताका लागि २२ देशका ४८५ खेलाडीले नाम दर्ता गराएको आयोजनले जनाएको छ । जसमध्ये ४६ खेलाडी प्लाटिनम क्याटागोरी र ७६ खेलाडी डायमन्ड क्याटागोरीमा छन् ।

प्रतियोगिताको प्लाटिनम क्याटागोरीको सूची भने सार्वजनिक हुन बाँकी छ ।