अभिनेता दयाहाङ राई र अभिनेत्री मिरुना मगरको मुख्य भूमिका रहने फिल्म ‘घरज्वाइँ’को छायांकन सुरु नहुँदै प्रदर्शन मिति घोषणा गरिएको छ ।

पोस्टर सार्वजनिक गर्दै अर्को वर्षको असार २८ गतेलाई फिल्मको प्रदर्शन मिति निश्चित गरिएको हो ।अनिल बुढा मगरको निर्देशनमा बन्न लागेको फिल्ममा दयाहाङ र मिरुनासँगै बुद्धि तामाङ, पुष्कर गुरुङ, शिशिर बाङ्देल, कविता आले, राज थापा, शिला आले, अनु थापा, बिना थापा मगर, खबपु पुनको पनि अभिनय रहनेछ ।

फिल्ममा निर्देशक मगरका साथै विनोद खतिवडा र सुभाष कोइरालाको लेखन छ ।जीएम मुभिज प्रडक्सनको प्रस्तुतीमा जनक घर्ती मगर निर्माता रहेको फिल्ममा सुसन प्रजापति, हर्क साउद र मनोज थापाको शब्द तथा संगीत रहनेछ ।

पूर्वी रुकुमको तकसेरामा आगामी माघ तेस्रो हप्ताबाट छायांकन सुरु हुन लागेको हो ।