काठमाडौं । नायिका बर्षा शिवाकोटीलाई मुख्य भुमिकामा अनुबन्धित गर्दै फिल्म ‘मोदीबेनी’को शुभमुहूर्त गरिएको छ ।मंगलवार कमलादीस्थित गणेश मन्दिरमा पूजा गर्दै फिल्मबारे जानकारी गराइएको हो । बर्षाले डेव्यु अभिनेता अमर प्रताप श्रेष्ठसँग स्क्रिन शेयर गर्न लागेकी हुन् ।

निर्देशक शंकर कोइरालाले सामाजिक कथामा बनाउन लागेको फिल्म डिनेस्ट इन्टरटेनमेन्टको प्रस्तुतिमा निर्माण हुने भएको हो । आनन्द बिक्रम क्षेत्रीले लेखेको फिल्ममा दिलीप केसी निर्माता र हरि श्रेष्ठ सह-निर्माता रहेका छन् ।फिल्ममा अमर, सरोज, रेजिना, वर्षा, दिलीपका अलावा कमलमणि नेपाल, जीवन भट्टराई, सरोज अर्याल, अनामिका लामिछाने, स्नेह भट्टराई, लाबिस लगायतको अभिनय रहनेछ ।

मुख्ख कलाकार अमरसहित अन्य केही कलाकारहरू अडिशनमार्फत् छनोट गरिएका हुन् ।यो फिल्मबाट झण्डै ९ वर्षपछि अभिनेत्री रेजिना उप्रेतीले कमब्याक गर्दैछिन् ।