काठमाडौं । आइसिसी यू-१९ विश्वकपमा बंगलादेशविरूद्ध नेपालका ब्याटर विशालविक्रम केसी अर्धशतक बनाउन चुकेका छन् ।

दक्षिण अफ्रिकाको माङगाउन ओभलमा टस जितेर पहिले ब्याटिङ गरेको नेपालका विशाल ४८ रन बनाएर आठौं विकेटको रुपमा आउट भएका छन् । उनले १०० बल खेल्दा ६ चौका प्रहार गरे । उनी ४३ ओभरमा आउट हुँदा नेपालले ८ विकेटको क्षतिमा १३८ रन जोडेको स्थिति थियो ।

खराब सुरूवात गरेको नेपालले ९ ओभर चल्दा दुवै ‌ओपनरसहित तीन विकेट गुमाएको थियो भने २९ रन जोडेको थियो ।

सुपर-६ को शीर्ष दुईमा पर्दै सेमिफाइनल पुग्ने सम्भावना नेपालको यसअघि नै समाप्त भइसकेको छ ।