काठमाडौं । निर्वाचन आयोगले आगामी बैशाख १४ गते तय भएको उपनिर्वाचनका लागि मतदानस्थल र मतदान केन्द्र कायम गरेको छ ।

आयोगका अनुसार इलामको प्रतिनिधिसभा निर्वाचन क्षेत्र नम्बर २ मा ७९ मतदानस्थल र १४९ मतदान केन्द्र कायम गरिएको छ ।

यस्तै बझाङको प्रतिनिधिसभा निर्वाचन क्षेत्र नम्बर १ को प्रदेशसभा निर्वाचन क्षेत्र नम्बर १ मा ७४ मतदान स्थल र ९३ मतदान केन्द्र कायम गरेर स्वीकृत गरिएको आयोगका सहसचिव शालिग्राम पौडेलले जानकारी दिए ।

बिहीबार बसेको बैठकले देशभरमा १० हजार ८९२ मतदानस्थल स्वीकृत गरेको पनि आयोगले जनाएको छ ।

उपनिर्वाचनका लागि भोलि (शनिबार) उम्मेदवारी दर्ता गराउने कार्यसूची छ । त्यसका लागि दलहरूले उम्मेदवारको टुंगो लगाइसकेका छन् ।