काठमाडौँ । साफ महिला फुटबल प्रतियोगिता काठमाडौँमा हुने भएको छ । उक्त प्रतियोगिता आगामी कात्तिक १ देखि १४ गतेसम्म त्रिपुरेश्वरस्थित दशरथ रंगशालामा सञ्चालन हुनेछ ।

दक्षिण एसियाली फुटबल महासंघ (साफ) को आज बसेको प्रतियोगिता समितिको बैठकले उक्त प्रतियोगिता नेपालमा गर्ने तय गरेको अखिल नेपाल फुटबल संघ (एन्फा) का प्रवक्ता सुरेशकुमार शाहले जानकारी दिए ।

उक्त प्रतियोगिता आयोजना गर्न नेपाल, भुटान र बंगलादेशले प्रस्ताव गरेका थिए । प्रतियोगितामा ७ सदस्य राष्ट्रको सहभागीता हुने साफले जनाएको छ ।