काठमाडौं । काठमाडौंको कालोपुलमा एक युवकको हत्या भएको छ । २० वर्षीय प्रेम महत दर्जीको उनकै डेरामा हत्या भएको हो ।

हत्या आरोपमा प्रहरीले उनकी श्रीमती ओखलढुंगा मानेभञ्जयाङ गाउँपालिका–९ की २४ वर्षीया उषा नेपाली र सोही ठाउँका २७ वर्षीय मदन रम्तेललाई पक्राउ गरेको छ ।

जिल्ला प्रहरी परिसर काठमाडौंका प्रवक्ता एसपी नवराज अधिकारीका अनुसार प्रेम र उषा एक महिनादेखि सोही डेरामा बस्दै आएका थिए । अधिकारीका अनुसार घटनाबारे थप अनुसन्धान भइरहेको छ ।