काठमाडौँ । प्रधानमन्त्री केपी शर्मा ओली काभा वुमन्स नेसन्स लिगको फाइनल खेल हेर्न दशरथ रंगशाला जाने भएका छन् । खेल त्रिपुरेश्वरस्थित दशरथ रंगशालाको कभर्ड हलमा हुनेछ । उपाधिका लागि नेपाल र भारतबीच आज साँझ ५ बजे खेल हुँदैछ ।

लिग चरणमा इरानसँग बदला लिँदै नेपाल फाइनलसम्म आइपुगेको हो । भारतले श्रीलंकालाई हराएपछि फाइनलमा नेपाल–भारत आमने–सामने भएका हुन् । फाइनल खेल हेर्न प्रधानमन्त्री ओली त्रिपुरेश्वर जाने उनको सचिवालयले जनाएको छ ।