काठमाडौं । त्रिवि शिक्षण महाराजगञ्ज हातामा रहेको मनमोहन कार्डियो भास्कुलर एण्ड ट्रान्सप्लान्ट सेन्टरको छतबाट हामफालेर एक युवकले आत्महत्या गरेका छन् । काठमाडौं गोकर्णेश्वर नगरपालिका–४ का २१ वर्षीय स्वरुपराज आचार्यको अस्पतालबाट हामफालेर मृत्यु भएको हो ।

प्रहरीका अनुसार आचार्य सेन्टरको छैटौं तलास्थित एस क्याफेको छतबाट हामफालेका थिए । हामफाल्दा गम्भीर घाइते भएका उनको सेन्टरमै उपचारका क्रममा ज्यान गएको हो । प्रहरीका अनुसार उनी बिरामी भएर त्यहाँ गएका थिएनन् ।

उनका आफन्त पनि बिरामी भएर अस्पताल नआएको जिल्ला प्रहरी परिसर काठमाडौंले जनाएको छ । हामफाल्नुअघि उनले क्याफेमा कफी पिएका थिए ।