काठमाडौं । नेपाली चाँडपर्व र संस्कृति कुनै एउटा भूगोलमा सीमित हुन छाडेको छ । जहाँ नेपाली पुगेका छन्, त्यहाँ हाम्रो चाँडपर्व र संस्कृति पनि सँगै पुगेको छ । यसको पछिल्लो नमूना तीजपर्वलाई लिन सकिन्छ । पद्मकन्या क्याम्पसकी पूर्व नेतृ टिका चौधरीको अगुवाइमा अमेरिकाको क्यालिफोनिया राज्यको लसएन्जल्समा तीज पर्व मनाइएको हो । लसएन्जल्स क्षेत्रमा बसोबास गर्ने नेपाली समुदाय मिलेर तीज पर्व मनाइएका हुन् । नाँचगान गरी मीठा–मीठा परिकार सेवनपछि सामूहिक तस्बिर खिचाइएको थियो ।