काठमाडौँ। सशस्त्र प्रहरी बलमा २ जना प्रहरी नायब महानिरीक्षक (डिआइजी) सहित १६ जना अधिकृत अवकाशमा गएका छन् । सशस्त्र प्रहरीका डिआइजी अभिकुमार खत्री, दुर्गाप्रसाद भट्टराई, प्रहरी वरिष्ठ उपरीक्षक (एसएसपी) विश्वकुमार भट्टराईसहितका अधिकृतहरू अवकाशमा गएका हुन् ।

खत्री सशस्त्र प्रहरी बलको विन्ध्यवासिनी बाहिनी मुख्यालय रुपन्देही र भट्टराई महेश्वरी बाहिनी मुख्यालय सुर्खेतमा प्रमुख थिए । ३० वर्षे सेवा अवधि पूरा गरेपछि उनीहरू अनिवार्य अवकाशमा गएको सशस्त्र प्रहरीले जनाएको छ । सशस्त्रका अनुसार, ११ जना एसपीहरू पनि अवकाशमा गएका छन् ।

अवकाश पाउने एसपीहरूमा पूर्णबहादुर साउद, धनबहादुर सिंह, भीमबहादुर चौधरी, महेन्द्रराज भारती, दिपेन्द्र गिरी, अम्मरबहादुर ऐर, अशोककुमार शाक्य, प्रेमबहादुर रावल, गोपालप्रसाद श्रेष्ठ, त्रिभुवन विष्ट र उद्धवबहादुर रावल छन् ।

उनीमध्ये महेन्द्रराज भारती र भीमबहादुर चौधरीले अवकाशमा जानुअघि एक तह बढुवा पाएका थिए । दुई जना डीएसपी राजेश्वरप्रसाद शाह र हरिबहादुर शाही पनि अवकाशमा गएका छन् । उनीहरूमध्ये शाहीले अवकाश अघि विशेष बढुवा पाएका थिए ।

सशस्त्र प्रहरीमा ३० वर्ष सेवा पूरा गरेर अवकाशमा जान लाग्दा एउटै दर्जामा ५ वर्ष अवधि पूरा गरेको भए विशेष बढुवा दिने प्रावधान छ ।