काठमाडौं । कीर्तिपुर नगरपालिकाको मेयर पद तथा दुई वडामा नेपाल मजदुर किसान पार्टीले उम्मेदवारी दिएको छ । सो पार्टीबाट श्रीकृष्ण महर्जन मेयरको उम्मेदवार बनेका छन् ।

‘सरकारमा गएका पार्टीले देश बिगारे त्यसैले उम्मेदवारी दिएको हो । नेपालीलाई ८० लाख सम्ममा बेचे । नदी बेचे । हाम्रो अनुरोध छ देशद्रोही पार्टी हराउनु पर्छ,’ उम्मेदवारी दर्तापछि उनले भने ।

देश प्रेम नै आफूहरूको जित्ने आधार भएको भन्दै महर्जनले कीर्तिपुरका जनताको साथ पाउने अपेक्षा प्रकट गरे । एक नम्बर वडाध्यक्षमा कृष्ण प्रसाद महर्जन र ४ नम्बर वडाध्यक्षमा महेश्वर सुवेदीले पार्टीको तर्फबाट उम्मेदवारी दिएका छन् ।