काठमाडौं । नेपाल पत्रकार महासंघको निर्वाचन मंसीर २८ गते हुने भएको छ । आज निर्वाचन कार्यतालिका सार्वजनिक गर्दै महासंघले सो जानकारी दिएको हो ।

सार्वजनिक कार्यतालिका अनुसार यसै साता अर्थात मङ्सिर २१ गते शुक्रबार उम्मेदवारको मनोनयन दर्ता हुने भएको छ । 

त्यसैगरी मंसीर २२ गते उम्मेदवारको अन्तिम नामावली सार्वजनिक गरिनेछ भने मतदान मंसीर २८ गते बिहान १० बजेदेखि अपराह्न ४ बजेसम्म चल्नेछ । 

प्रदेश समितिको मनोनयन मंसीर २४ गते जिल्ला शाखा र प्रतिष्ठान शाखाको मंसीर २६ गते मनोनयन दर्ता गर्ने गरी व्यवस्था मिलाउनुहुन सम्बन्धित निर्वाचन समितिलाई अनुरोध समेत गरिएको छ ।